78 REGISTRES

neguy, advocalz en lad. Court, sires Denis Berthelemy et Fiacre Charpentier, Eschevins d'icelle Ville, a esté conclud et deliberé qu'il estoit expédient aller devers led. seigneur Roy Henry, estant lors à Sainct Germain en Laye, pour luy faire la reverence et luy offrir l'humble et deue obeyssance des bourgeois, manans et habitans d'icelle, sans parler d'autres affaires pour ce voyage, si n'estoit que l'on trouvast les choses en disposicion et à propos d'en povoir parler, parcequ'il y avoit plusieurs affaires de lad. Ville, lesquelles il estoit besoing faire entendre aud. seigneur Roy et à mess" de son Privé Conseil.

Suyvant laquelle deliberation, le samedi ensuivant, second jour dud. moys d'Avril, sont partiz de ceste Ville de Paris mesd. s" le Prevost des Marchans, Aubery et Charpentier, Eschevins, acompaignez de m^c Pierre Perdrier, Greffier, et m^e Anthoine Poart, Procureur de lad. Ville de Paris; et pour ce que aud. lieu de Sainct Germain estoit bien diflicilie avoir logis, à cause de la grande suitte de la Court, sont demeurez au giste à Conflans, distant de deux lieues dud. Sainct Germain en Laye.

Le lendemain, jour de Pasques fleuryes, tiers jour dud. moys d'Avril, après avoir oy le dyvin service aud. lieu de Conflans, sont lesd. Prevost des Marchans et Eschevins, acompaignez comme dessus, arrivez aud. lieu de Sainct Germain en Laye, et tost après sont allez saluer Monseigneur le Connestable, messire Anne de Montmorancy, chevalier, Grand Maistre de France, chef lors du Conseil Privé dud. seigneur Roy, et ayant la superintendance des affaires du Royaulme, et semblablement Monseigneur le Chancellier, messire François Olivier, chevalier, pour savoir l'heure Oportune de povoir faire la reverance aud. seigneur Roy.

"Et ce mesme jour, à l'issue du diner dud. seigneur Roy, led. s^r Connestable luy présenta lesd. Prevost des Marchans et Eschevins, acompaignez comme dessus, lesquelz, nues testes et ung genoil en terre, feirent très humbles révérences, commença à proposer led. Prevost des Marchans, entre autres choses, ce qui ensuit :

"Sire, voz très humbles et très obeyssans subgetz, les bourgeois, manans et habitans de vostre bonne ville et cité de Paris, cappitalle de vostre royaulme, adverliz du decès du feu Roy, vostre pere, à qui Dieu face pardon, et de vostre nouvel advenement, vous saluent très humblement, rendent graces à Dieu de ce qui luy a pleu donner ung si humain et si bon Roy, vous supplient très humblement leur com-

U BUREAU [i54₇]

mander, vous asseurant, Sire, que de tout ce que sera en leur puissance, serez de bien bonne volunté obey, llz vous supplient, Sire, très humblement les avoir en recommandacion et les tenir tousjours en vostre protection et sauvegarde."

Led. seigneur Roy feist responce ausd. Prevost des Marchans et Eschevins, en la maniere qui ensuit : "Vous soyez les très bien venuz; je vous en sçay bon gré. Vous avez perdu ung bon Roy ; j'es-poire, avecques la grace de Dieu, que en aurez ung bon, qui vous traictera bien humainement. Vous soyez les très bien venuz."

Et ce faict, se levèrent lesd. Prevost des Marchans et Eschevins, acompaignez comme dessus, estans fort contans du bon racueil que leur avoit faict le Roy.

Environ l'heure de quatre à cinq heures de relevée, après ce que led. seigneur Roy et ceulx de son Privé Conseil feurent levez dud. Conseil, iceulx Prevost des Marchans et Eschevins, acompaignez comme dit est, allerent remercier bien humblement mesd. s" les Connestable et Chancellier. Et voyans le bon racueil qui leur avoit esté faict, tant par led. seigneur Roy que par lesd, s" Connestable et Chancellier, et autres du Privé Conseil et estans autour de la personne du Roy, ont emsemblement advisé et conclud qu'ilz parleraient ausd, s" Connestables et Chancellier de quelques autres affaires de lad. Ville de Paris. Et de faict, leur ont faict remonstrance des grandes charges et affaires que a supporté lad. Ville de Paris, depuis quatre ans, au moyen desquelles la pluspart des habitans d'icelle sont povres, supplians très humblement iceulx Connestable et Chancellier, chascun en particulier, le voulloir remonstrer au Roy, et qu'il luy plaise à son nouvel advenement à la Couronne, exempter lad. Ville de Paris de la somme de xl" escuz, que le feu Roy, que Dieu absoille, leur avoit faict demander, pour leur part de la colization des villes closes de son Royaulme, pour la soulde des gens de guerre à pied, pour ceste année; ce que promisrent faire lesd, s™ Connestable et Chancellier, et tenir la main pour faire descharger lad. Ville de Paris et habitans d'icelle de lad. somme, ou de partie.

Et lors led. s^r Connestable leur dit qu'ilz feissent chercher en leurs registres tout ce qu'ilz avoient par escript des entrées des Roys, specialement quant le filz a succédé au Royaulme, après le decès du pere, et qui luy envoyassent ce qu'ilz en trouveroient, parceque le Roy entendoit faire la plus grande pompe



	78 REGISTRES neguy, advocalz en lad. Court, sires Denis Berthelemy et Fiacre Charpentier, Eschevins d'icelle Ville, a esté conclud et deliberé qu'il estoit expédient aller devers led. seigneur Roy Henry, estant lors à Sainct Germain en Laye, pour luy faire la reverence et luy offrir l'humble et deue obeyssance des bourgeois, manans et habitans d'icelle, sans parler d'autres affaires pour ce voyage, si n'estoit que l'on trouvast les choses en disposicion et à propos d'en povoir parler, parcequ'il y avoit plusieurs affaires de lad. Ville, lesquelles il estoit besoing faire entendre aud. seigneur Roy et à mess" de son Privé Conseil. Suyvant laquelle deliberation, le samedi ensuivant, second jour dud. moys d'Avril, sont partiz de ceste Ville de Paris mesd. s" le Prevost des Marchans, Aubery et Charpentier, Eschevins, acompaignez de m^c Pierre Perdrier, Greffier, et m^e Anthoine Poart, Procureur de lad. Ville de Paris; et pour ce que aud. lieu de Sainct Germain estoit bien diflicilie avoir logis, à cause de la grande suitte de la Court, sont demeurez au giste à Conflans, distant de deux lieues dud. Sainct Germain en Laye. Le lendemain, jour de Pasques fleuryes, tiers jour dud. moys d'Avril, après avoir oy le dyvin service aud. lieu de Conflans, sont lesd. Prevost des Marchans et Eschevins, acompaignez comme dessus, arrivez aud. lieu de Sainct Germain en Laye, et tost après sont allez saluer Monseigneur le Connestable, messire Anne de Montmorancy, chevalier, Grand Maistre de France, chef lors du Conseil Privé dud. seigneur Roy, et ayant la superintendance des affaires du Royaulme, et semblablement Monseigneur le Chancellier, messire François Olivier, chevalier, pour savoir l'heure Oportune de povoir faire la reverance aud. seigneur Roy. "Et ce mesme jour, à l'issue du diner dud. seigneur Roy, led. s^r Connestable luy présenta lesd. Prevost des Marchans et Eschevins, acompaignez comme dessus, lesquelz, nues testes et ung genoil en terre, feirent très humbles révérences, commença à proposer led. Prevost des Marchans, entre autres choses, ce qui ensuit : "Sire, voz très humbles et très obeyssans subgetz, les bourgeois, manans et habitans de vostre bonne ville et cité de Paris, cappitalle de vostre royaulme, adverliz du decès du feu Roy, vostre pere, à qui Dieu face pardon, et de vostre nouvel advenement, vous saluent très humblement, rendent graces à Dieu de ce qui luy a pleu donner ung si humain et si bon Roy, vous supplient très humblement leur com-	U BUREAU [i54₇] mander, vous asseurant, Sire, que de tout ce que sera en leur puissance, serez de bien bonne volunté obey, llz vous supplient, Sire, très humblement les avoir en recommandacion et les tenir tousjours en vostre protection et sauvegarde." Led. seigneur Roy feist responce ausd. Prevost des Marchans et Eschevins, en la maniere qui ensuit : "Vous soyez les très bien venuz; je vous en sçay bon gré. Vous avez perdu ung bon Roy ; j'es-poire, avecques la grace de Dieu, que en aurez ung bon, qui vous traictera bien humainement. Vous soyez les très bien venuz." Et ce faict, se levèrent lesd. Prevost des Marchans et Eschevins, acompaignez comme dessus, estans fort contans du bon racueil que leur avoit faict le Roy. Environ l'heure de quatre à cinq heures de relevée, après ce que led. seigneur Roy et ceulx de son Privé Conseil feurent levez dud. Conseil, iceulx Prevost des Marchans et Eschevins, acompaignez comme dit est, allerent remercier bien humblement mesd. s" les Connestable et Chancellier. Et voyans le bon racueil qui leur avoit esté faict, tant par led. seigneur Roy que par lesd, s" Connestable et Chancellier, et autres du Privé Conseil et estans autour de la personne du Roy, ont emsemblement advisé et conclud qu'ilz parleraient ausd, s" Connestables et Chancellier de quelques autres affaires de lad. Ville de Paris. Et de faict, leur ont faict remonstrance des grandes charges et affaires que a supporté lad. Ville de Paris, depuis quatre ans, au moyen desquelles la pluspart des habitans d'icelle sont povres, supplians très humblement iceulx Connestable et Chancellier, chascun en particulier, le voulloir remonstrer au Roy, et qu'il luy plaise à son nouvel advenement à la Couronne, exempter lad. Ville de Paris de la somme de xl" escuz, que le feu Roy, que Dieu absoille, leur avoit faict demander, pour leur part de la colization des villes closes de son Royaulme, pour la soulde des gens de guerre à pied, pour ceste année; ce que promisrent faire lesd, s™ Connestable et Chancellier, et tenir la main pour faire descharger lad. Ville de Paris et habitans d'icelle de lad. somme, ou de partie. Et lors led. s^r Connestable leur dit qu'ilz feissent chercher en leurs registres tout ce qu'ilz avoient par escript des entrées des Roys, specialement quant le filz a succédé au Royaulme, après le decès du pere, et qui luy envoyassent ce qu'ilz en trouveroient, parceque le Roy entendoit faire la plus grande pompe